Biemplegatos á la paxina web d'Estau Aragonés.
E. A. ye un partiu politico que emplantilla á lo Pueblo aragonés un programa
politico alazetal: adubir a independenzia d'Aragón.
 
L'ideyario politico d'Estau Aragonés biene marcato por o combenzimiento de
que Aragón no aprezisa un "Estatuto", sino una Constituzión, que
faiga brilar nuestra tierra con o suyo nombre entre os Pueblos d'o Mundo.
 
O nuestro oxetibo ye, á güembros chuntos con a Ziudadanía aragonesa,
fer d'as autuals Corz d'Aragón unas autenticas Corz soberanas
que declaren a Libertá y a Independenzia d'o nuestro Pueblo y
proclamen a Republica Aragonesa.
 
Una Republica Aragonesa ta una nazión libre y rexita por
os prinzipios d'a cucha sozial y d'o sozialismo: a Democrazia,
a Igualdá, a Solidaridá, l'Autochestión y o Coperatibismo.
 
Estau Aragonés se considera parti d'un mobimiento no-biolento
que busca por combizión a partizipazión d'os ziudadans
en o suyo proyeuto y que fa d'a colaborazión y d'a unidá con
atras collas semellans l'exe d'a suya aizión politica.